又再一次

尋晚你又一次救了我....大頭蝦的我 出了鋪外掉垃圾後 竟然道門反鎖了....
我身上沒有手機 沒有銀包 沒有鎖匙=_=''' 唯有問隔離店借電話....
點知打比老公 佢都唔肯聽....結果我打左比佢....之後就落左去搵佢借電腦上msn同打比同事
最後打到比老公 約到係地鐵等...如果唔係佢 我都唔知點算....最後還借錢同電話比我 T^T
點解每次我有難 都係你救我....明明決心唔再搵你 但個天都不停要我搵你
幾時開始我才能真真正正離開你?!

謝謝你的身體語言

呢兩日我地無再嗌交...每朝早返工,每晚放工 都玩得好開心
今朝好開心聽到你自己提出 7月18日同我去睇反斗奇兵3
第一次你主動了為我們的18號 諗節目慶祝
更加多謝你的一句說話"不懂說話 就用行動表示"
我今朝感受到你的愛意 >3<

發現

我發現我的同事真係好好...都是因為有他們 我才會努力返工!!!

6-8月敗家的目標

7月敗家的目標
1) peah john 新款睡衣 2件
2)gucci 銀包
3)減肥荼 減肥藥(有用嗎?!)
4)電腦display 卡
5)蘭蘭新衫
6)volks fcs Elena
7)整泡芙,雪米慈的材料
8) notebook
9)手提電話

a)儲到八千蚊
b)去學整心太軟
c)做寵物義工
d)減走20磅 !!!!!!!!!!!

再一次

尋晚再一次聽起佢唱的歌....呢一年來我都唔敢聽佢的歌 怕想起一些唔開心的事
怕喊到停不到...但唔知咩原因 我好想再聽 就算會喊到缺氧 我都好想聽
聽到每一首都會想起以前的自己 想起一個人 雖然沒法"回到過去" 我只能"安靜"地回憶
就算是"一路向北" 不會忘記我們"說好的幸福呢" 我倒都等不到"星晴"的那一夜
最後我們的愛情都"說了再見"

等到一天我已經無事的時候 我會同你講一聲 我完全無事了

18.6.2010

原本今日係2年3個月的慶祝...但一朝早就要用嗌交黎慶祝...
或者咁多個月以來你都無想過用任何方法來慶祝
或者忘記就係最好的慶祝方法...我愈想你會有驚喜比我 最後換來是係失望
上星期連媽咪都出聲 我唔應該付出太多 我得到既又係什麼
每年每個我最愛的人的生日 我都想盡方法令佢開心,難忘,驚喜
但我自己呢 呢10年來的生日 除左一次去泰國...其餘都係行街,食飯,去樂園玩
驚喜?! 最驚喜的係咪連生日蛋糕都無食過 願望都無許過....仲要比人發脾氣
有無人真真正正為我諗過點慶祝 我真係無咁厚面皮同人講我要點點點 我想點點點
就算講完又點?一D意思都無!!
每次有咩節日 我都想同你去慶祝 係因為我唔想到我地老左/分開左之後發覺 如來我地咩都無做過
就好似以前的我...今次唔慶祝有下次 今年唔慶祝有下年....但原來唔會再有機會!!!!!

嬲到爆炸

頂...屋企又有賊...咁X多年多都係咁 愈來愈衰 食左人野又唔認...
人地唔專登買既唔撚會食野 成日心諗住返屋企有得食...點知返去咩都無..
成日D野都係好做唔做唔撚洗你放入雪櫃 你又走入去放咩撚野
咁撚鍾意偷人野食 又唔見你去打劫偷D錢返黎比我洗呀 仆街

三心兩意

救命....我舊病又發作=x= 屎忽痕 xdd
無錢又想買野....
公司多左隻lait 玩玩下孜幾好玩...普版都係$1560 咁平所以好想要=x=
但有朋友放緊隻chika $4000 應該可能分到3期
但始終都係鍾意玩大...一想買野就好想買返隻ELENA T^T.... $7750





好鍾意佢個咀 >333333333333333333333333<

再不能吃的粽

尋日係端午節 老公好好特登係公司拎左粽返黎同我食!!

但當我食了第一啖後...突然腦海有一個好懷念的畫面出左來!!

是四年前在一個大大的客廳 殘舊的椅子 一雙細細的老老的手,一雙大大的暖暖的手

還有一雙肥肥笨笨的手...一起包著粽子 原來這是我一生中 食過最好食的粽子!!!

但可惜一辈子都已經再無機會食了!!


係公司就黎熱死.................請給我刨冰 !!!!!!

開始

又一次開啟新的網誌....原因是因為...短短呢半年 我發覺我有好多野屈係個心入面時 我搵唔到一個岩既對像同我傾訴...最後所有的唔開心都得自己去受哂!!今次我無主動把呢個bolg 比任何人...因為我只係想有個空間比自己發洩一下心情 要睇到的或者想睇的人 有一天一定會發現到!!!